यति एयरलाइन्सले चार दिनसम्म सस्तो दरका टिकट मात्रै बिक्री गर्ने

काठमाडौं । रसुवामा आएको विनाशकारी बाढीपछि यात्रुलाई राहत दिने उद्देश्यले यति एयरलाइन्सले चार दिनसम्म सस्तो दरका टिकट मात्रै बिक्री गर्ने भएको छ ।

यति एयरलाइन्सका प्रवक्ता सुदर्शन बर्तौलाका अनुसार बाढीपछिको अवस्थालाई मध्यनजर गर्दै कम्पनीले महँगो भाडादर हटाएर सस्तो टिकटदरमा मात्रै टिकट बिक्री गर्ने व्यवस्था गरेको हो ।

उनका अनुसार सस्तो टिकट उपलब्ध गराएर यात्रुको यात्रालाई सहज बनाउने प्रयास गरिएको छ । चार दिनका लागि लागू गरिएको यो सुविधा आवश्यकताका आधारमा थप गर्न सकिने पनि उनले बताए ।

यस्तै, डिजिटल माध्यमबाट टिकट खरिद गर्ने यात्रुलाई प्रत्येक टिकटमा थप तीन सय रुपैयाँसम्म छुट दिइरहेको पनि बर्तौलाले जानकारी दिए ।