राखेपले एन्फालाई सोध्यो २४ घण्टे स्पष्टीकरण

काठमाडौं । राष्ट्रिय खेलकुद परिषद् (राखेप)ले अखिल नेपाल फुटबल संघ ९एन्फा०लाई २४ घण्टे स्पष्टीकरण सोधेको छ । परिषदका खेलकुद विकास विभागका प्रमुख सरोजकुमार पोखरेलले एन्फालाई मंगलबार पत्राचार गर्दै पत्र प्राप्त भएको २४ घण्टाभित्र सफाइ पेश गर्न भनेका छन् । आगामी चैत १३ गते साधारण सभामार्फत् केन्द्रीय कार्यसमितिको निर्वाचन गर्न लागेको एन्फाले परिषदको निर्देशन पलाना नगरेको तथा प्रचलिन कानुन विपरित काम गरेको खेलकुद परिषदको ठहर छ । एन्फालाई परिषदको सोमबार बसेको कार्यकारी समितिले सफाइ पेश गर्न निर्देशन दिने निर्णय गरेको थियो । यसअघि खेलकुद परिषदले एन्फाले गर्न लागेको निर्वाचनलाई स्वीकृति दिएको थिएन भने निर्वाचन गर्नका लागि विधान संशोधन गर्न निर्देशन दिएको थियो । तर एन्फाले अन्तर्राष्ट्रिय निकायबाट स्वीकृति पाएको अवस्थामा निर्वाचन रोक्न नमिल्ने तर्क गर्दै आएको छ । 

एन्फाको वर्तमान कार्यसमितिको कार्यकाल आगामी असार ६ गते सकिँदैछ। कार्यकाल सकिनुअघि नै एन्फाले निर्वाचन गर्न लाग्दा जिल्लाबाट तहगत नगरी सिधै केन्द्रीय कार्यसमितिको मात्र निर्वाचन गर्न लागेको छ ।