बाढी प्रभावितलाई अमेरिकाको ३६ लाख डलर सहयोग घोषणा, १० हजार परिवारलाई खाद्यान्न

काठमाडौं । नेपालका बाढी प्रभावितहरूका लागि अमेरिकाले ३६ लाख अमेरिकी डलरभन्दा बढीको जीवनरक्षक मानवीय सहायता प्रदान गर्ने घोषणा गरेको छ ।

अमेरिकी विदेश मन्त्रालयले आइतबार सामाजिक सञ्जाल ‘एक्स’ मार्फत एक सन्देश जारी गर्दै यस विपद्को घडीमा अमेरिका नेपाली जनताको साथमा उभिएको बताएको हो ।

मन्त्रालयले घोषणा गरेको उक्त सहायताअन्तर्गत बाढीबाट प्रभावित १० हजार घरपरिवारलाई ३ महिनासम्मका लागि आपत्कालीन खाद्यान्न उपलब्ध गराइने उल्लेख गर्रिको छ ।

यसैगरी, मन्त्रालयले अमेरिकी नागरिकहरूको सुरक्षा आफ्नो सर्वोच्च प्राथमिकतामा रहेको उल्लेख गरेको छ ।