बाढीपीडितका लागि वर्ल्डलिंकद्वारा एक करोड एक लाख रुपैयाँ सहयोग

काठमाडौँ । इन्टरनेट सेवा प्रदायक वर्ल्डलिंक कम्युनिकेसन्स लिमिटेडले प्रधानमन्त्री दैवी प्रकोप उद्धार कोषमा रु एक करोड एक लाख सहयोग प्रदान गरेको छ ।

वर्ल्डलिंकका प्रमुख कार्यकारी अधिकृत केशव नेपालले आज अर्थमन्त्री डा स्वर्णिम वाग्लेलाई भेटेर उक्त सहयोग रकम हस्तान्तरण गरेका हुन् । उनले विपद्को यस कठिन समयमा प्रभावित नागरिकको उद्धार, राहत तथा पुनःस्थापनामा सहयोग पुर्‍याउने उद्देश्यले वर्ल्डलिंकले उक्त रकम प्रदान गरेको बताए ।

 हालैको बाढीबाट वर्ल्डलिंकको नेटवर्क तथा पूर्वाधारमा ठूलो क्षति पुगेको छ । प्रारम्भिक विवरणअनुसार कम्पनीले प्रत्यक्ष रूपमा करिब रु तीन करोड ५० लाख बराबरको क्षति भएको जनाएको छ ।