भारतीय विदेश सचिव मिश्री आज नेपाल आउँदै, नेपाल–भारत साझेदारीका विभिन्न पक्षमा छलफल

काठमाडौं । भारतका विदेश सचिव विक्रम मिश्री आज नेपाल आउँदैछन् । परराष्ट्र मन्त्रालयले विज्ञप्ति जारी गर्दै मिश्रीको नेपाल भ्रमणबारेर जानकारी गराएको हो ।

नेपाल बसाइको क्रममा मिश्रीले प्रधानमन्त्री केपी शर्मा ओली, परराष्ट्र मन्त्री आरजु राणा देउवा लगायतलाई भेट्ने कार्यक्रम छ । प्रधानमन्त्री ओलीको आसन्न भारत भ्रमणको तयारीका सन्दर्भमा नेपाल–भारत साझेदारीका विभिन्न पक्षमा छलफल गर्न विदेश सचिव मिश्री नेपाल आउन लागेको परराष्ट्र मन्त्रालयले जनाएको छ ।

प्रधानमन्त्री ओली भदौ ३१ मा भारत भ्रमणमा गएर असोज १ गते फर्किनेछन् ।

परराष्ट्र सचिव अमृतबहादुर राईको निमन्त्रणामा मिश्री नेपाल भ्रमणमा आउन लागेका हुन् । भ्रमणका क्रममा नेपाल र भारतका परराष्ट्र सचिवबीच नेपाल–भारत साझेदारीका विभिन्न पक्षमा छलफल हुने जनाइएको छ ।