पोखरा र भैरहवामा थप उडान वृद्धि गर्न कूटनीतिक पहल गरिने

काठमाडौं । सरकारले पोखरा र भैरहवा क्षेत्रीय अन्तर्राष्ट्रिय विमानस्थलमा थप विमान कम्पनीको उडान गराउन कूटनीतिक पहल गर्ने भएको छ ।

सरकारले आगामी आर्थिक वर्षको लागि प्रस्तुत गरेको नीति तथा कार्यक्रममार्फत सो नीति लिएको हो । सरकारले विदेशी ऋणमार्फत बनाएका यी दुई विमानस्थल खासगरी भारतबाट उपयुक्त एयररुट प्राप्त गर्न नसक्दा थप कम्पनीका तर्फबाट अन्तर्राष्ट्रिय क्षेत्रीय उडान हुन सकेका छैनन् ।