एक अर्बले विक्री आम्दानी बढाएको सोनापुर मिनरल्सको प्रतिसेयर आम्दानी २० पैसा

सोनापुर मिनरल्स एण्ड आयलले गत आर्थिक वर्षमा गत आर्थिक वर्षमा ६१ लाख ५० हजार रुपैयाँ नाफा गरेको छ ।

सोनापुरले प्रकाशित गरेको गत वर्षको वार्षिक अपरिष्कृत वित्तीय विवरण अनुसार कम्पनीको बिक्री आम्दानी बढेसँगै नाफामा गएको हो । अघिल्लो वर्ष कम्पनी ४७ करोड १० लाख रुपैयाँ नोक्सानीमा थियो । 

कम्पनी नाफामा गएसँगै प्रतिसेयर आम्दानी पनि धनात्मक भएको छ। अघिल्लो वर्ष १५ रुपैयाँ ३२ पैसा ऋणात्मक रहेको प्रतिसेयर आम्दानी गत वर्ष २० पैसा धनात्मक भएको छ ।

समीक्षा अवधिमा कम्पनीको कुल नाफा ८ करोड ६२ लाख रुपैयाँबाट बढेर ७० करोड ६ लाख रुपैयाँ पुगेको छ । त्यस्तै, अघिल्लो वर्ष १३ करोड ६४ लाख रुपैयाँ ऋणात्मक रहेको कम्पनीको सञ्चालन नाफा पनि गत वर्ष ४३ करोड ७० लाख रुपैयाँले धनात्मक भएको छ ।

अघिल्लो वर्ष १ अर्ब ६३ करोड रुपैयाँ बिक्री आम्दानी गरेको सोनापुरले गत वर्ष १ अर्ब रुपैयाँले बढाउँदै २ अर्ब ६१ लाख रुपैयाँ पु¥याएको छ । 

३ अर्ब ७ करोड ५० लाख रुपैयाँ चुक्ता पूँजी रहेको सोनापुरको जगेडा कोषमा १ अर्ब १२ करोड ९२ लाख रुपैयाँ सञ्चित छ । त्यस्तै, प्रतिशेयर नेटवर्थ १९० रुपैयाँ ४९ पैसा पुगेको छ ।